吳嘉熙露腰犯「校規」急着外套！
組合Super Girls成員吳嘉熙（Cheronna）「單飛」後推出跳唱快歌《把持》，日前她到天水圍一學校出席校園騷，甚受中學生歡迎。當日卻發生小插曲，她穿上露腰上衣的造型犯「校規」，出場前被訓導主任禁露腰，她笑說：「我同公司都以為打扮已好密實，但原來件衫太短，露咗少少腰。」
Cheronna昨日受訪笑說：「其實個訓導主任唔係直接同我講，係同我經理人講，感覺上經理人比我更緊張，因為套衫係佢批嘅。（尷尬嗎？）其實我冇諗咁多，我個人都到咗，覺得佢哋唔會唔畀我表演，當時我只係好緊張，因為首歌係第一次表演，心思放晒喺歌度。我只係話咁搞笑，大家咪諗方法，跟住着咗經理人件黑色外套囉，呢個小插曲對我冇乜大影響。」
冧掂學生哥
甚懂得搞氣氛的Cheronna，走落台邊唱邊與學生互動，又大派SG毛巾等紀念品，到尾聲又應學生邀請，走落台跟大家影大合照。首次作個人表演的她緊張不已，並自爆演出前與隊友Jessica傳訊息：「我傳訊息畀佢，話演出前嘅心情好似Super Girls初出道時一樣，當時真係想其他成員陪我。」
文：音樂組