林峯被指與女友吳千語分手並已有新歡，甩拖的他重振「雄峯」，與兄弟鄧智偉、吳卓羲、黃宗澤及邵氏高層樂易玲再度合作，與MC Jin為網劇唱主題曲《Reunion》，兄弟再次團圓！

藝人林峯被指已跟千語BB分手，日前更相約模特兒新歡張馨月到主題公園遊玩，不用「湊BB」的林峯現時專心工作，忙於拍攝英皇網劇《PTU機動部隊》，並與一班好兄弟鄧智偉、吳卓羲及黃宗澤等再度合作，應鄧智偉及當年對他愛護有加的邵氏高層樂易玲邀請，與現時在內地爆紅的歐陽靖（MC Jin）合唱邵氏網劇《飛虎之潛行極戰》主題曲！在下周舉行的《香港國際影視展2018》中，除了有邵氏藝人簽約儀式暨《飛》劇及《守護神》發布會外，更有邵氏兄弟電影發布會，惟未知林峯屆時是否有時間出席。

林峯相隔多年後重投樂易玲及鄧智偉懷抱，應二人邀請獻唱主題曲，身為無綫前音樂總監的鄧智偉說：「今次係我同樂小姐一齊邀請佢唱，首歌係講恩情同兄弟情。（阿峯錄音時有冇感觸或者唔開心？）冇，佢好開心！」提到林峯有「新歡」，可有介紹給他認識？他道出作為兄弟的肺腑之言：「點都好，佢依家過住開心生活，做兄弟戥佢開心，一個人經歷『浩劫』之後，過番啲正常生活，作為兄弟一定支持！」

至於吳卓羲受訪時，被問到是否有興趣與林峯再合作拍劇或拍電影？他坦言：「其實我同佢一路都傾緊合作嘅嘢，不過大家各有各忙，要睇吓個期夾唔夾到先。」提到林峯與新歡去主題樂園，他笑說：「我都係睇報紙先知！都係娛樂啫，好似睇戲咁啫嘛！」身在內地拍劇的黃宗澤則說：「要集齊三個人拍一套嘢係好有難度，依家各有各忙，如果可以就梗係開心，好似好朋友團聚，好難得，係回憶！（林峯有新歡喎！）人哋感情事唔回應，我都唔知頭唔知路！」

樂小姐受訪時坦言與林峯向來有保持聯絡：「係我邀請佢嘅。（會搵林峯拍劇集或電影？）樣樣都會諗，睇吓邊個Project行到就行。」提到要找林峯、吳卓羲及黃宗澤三位昔日無綫小生合作相當困難，她坦言：「今次合作好開心，大家咁耐冇一齊做嘢。」說到林峯「甩BB」，可知道他心情如何？她說：「佢心情好好，好積極做嘢，我哋冇人同佢講呢啲嘢，呢啲嘢緣來緣去，最緊要工作順利。」

文：影視組