呂珊處女下海開騷齋唱英文歌
呂珊昨日跟歌手楊立門為3月18日在文化中心舉行的《呂珊．楊立門經典英文金曲演唱會》進行綵排，呂珊形容今次是處女下海：「以往自己都唱好多英文歌，但純英文歌演唱會就真係第一次。（可有壓力？）咁就冇，因為自己都鍾意唱英文歌，只不過香港商業社會要開英文演唱會可能唔係咁容易，所以好多謝老闆畀機會我哋，係開心嘅。」
楊立門表示為選曲感頭痛，因為很難篩選，問到兩人可會邊跳舞邊唱歌？呂珊笑說：「社交舞？你估交際花咩，唔會囉！」呂珊透露4月將返內地拍《包青天再起風雲》，逗留一個月：「未去已經有思鄉病喇！」