古天樂開金口唱飲歌為基仔騷綵排？

古天樂被「挾持」上台唱歌，即刻睇手機「出貓」。

古天樂前晚現身香港電影工作者總會春茗，被眾人「挾持」上台並唱出其首本名曲《男朋友》，唔通為基仔的個唱做準備？同台的歌手王梓軒上載有關短片，惟網民發現片中的王梓軒一度伸手想向古天樂擊掌，但被視而不見後隨即放手，質疑與古天樂「扮Friend」！王梓軒昨日回應：「我睇到之後都覺得好好笑，其實當時大家揮晒手咁『yo！』，可能個角度搞到我好似伸緊手畀古生咁。本來古生喺隔籬房，估唔到佢肯上台，我冇（火羅），好感激佢同我哋一齊玩！」

古天樂	基仔早前與「新五虎」重聚，被網民要求合體出騷合唱。