張兆輝食腦優差：舒服得滯！
藝人張兆輝昨日為活動擔任健康大使，由於早前弄傷韌帶，故愛跑步的他現改為急步行，保持最Fit狀態。他早前分別在無綫劇《使徒行者2》和《飛虎極戰》中打到飛起，前者更要飛身撞上汽車擋風玻璃，險割傷面，最後傷耳收場，幸有好身手才沒大礙。
問是否操Fit以應付在新戲中的動作場面？張兆輝卻表示今次雖然演警察，但角色另類，所以沒有動作場面，笑言拍得很輕鬆：「今次真係舒服得滯，主要喺個監控室度，冇動作場面，反而唔係咁鍾意，不過都係劇情需要，講鬥智鬥力嘅。」
廿四孝爸爸
提到年底將減產陪女兒到英國讀書，問他可會不捨得工作？他說：「都係自己嘅選擇，因為個女得13歲，所以要陪佢去嗰邊，幫助佢適應環境。」又坦言不捨得女兒：「一定唔捨得，但都係為佢好，因為嗰邊全英語環境，對佢學習會好啲。好記得一家送個仔去外國讀書都已經好難頂，經歷過先會有呢啲感受，相信送個女去讀書嘅時候，會更加難頂。」
文：影視組