蓋鳴暉 日本環島遊叉電
名伶蓋鳴暉昨日在新光戲院慈善演出《新紫釵記》，她透露由年初五踏上舞台，至今共演了23場，期間有不同劇目，令她疲累不已，又受失眠困擾，她說：「團隊精神好緊要，好彩我哋合作二十幾年，默契好好，一個做手、關目就知大家想點。」
完成今次演出後，她會放個短假，計劃去日本旅行：「聽聞日本有43個縣，我計劃全部去晒。今次未決定去邊，好似九州好玩，我又鍾意北海道同浸溫泉。」她直言喜歡日本文化，但無意在當地置業：「嗰邊樓價唔會升好多，又要搵人打理，如果淨係旅行就不如住酒店喇！我好欣賞日本文化，試過搵和服返嚟改造成戲服，真係好靚。」又笑言以後會每年去日本兩次，今年計劃加插一次東、西歐遊，認真識歎！
