AGA顧住開工 冇時間溝仔
歌手AGA（江海迦）昨日為新碟《Luna》舉行簽唱會，即場獻唱外，又與粉絲玩遊戲。她坦言曾擔心市場不易接受今次的多元曲風，對於新碟達白金銷量感驚喜：「冇諗過會賣得咁快！」又表示暫未想過獎勵自己，但一定會請同事慶功，答謝他們的辛勞：「淨係拍MV都又超支又出埠，又要去到日本冰天雪地咁拍，今次呢隻碟真係得到好多人嘅幫忙，所以今餐抵請！」
她又透露新碟將推出黑膠碟版本，笑說：「之前冇諗過流行歌手都可以有自己嘅黑膠碟，爸爸笑我『你終於都係一個音樂人！』因為佢哋年代做歌手就係要出黑膠碟，已經留起一隻送畀佢。」提到她今年忙於做騷及出碟，豈不是沒時間識男仔？AGA以歌名作回應：「唉，冇喇，真係『無期』。啱啱個假期飛咗去澳洲探屋企人，一返嚟又要繼續工作。」
