張敬軒賒百萬買飛抗黃牛
歌手張敬軒、杜德偉（Alex）、黎瑞恩及泳兒等，前晚亮相無綫慈善節目《博愛歡樂傳萬家》。將於6月舉行3場演唱會的軒仔，興奮宣布優先認購門票已爆滿，現時積極與公司商量加場。由於已4年沒舉行個唱，粉絲表現踴躍，令「黃牛黨」有機可乘，軒仔明言會正面狙擊：「知道好多粉絲話買唔到，我上網睇780蚊第一行飛，依家炒到9,500，所以都網上開Live叫粉絲唔好幫襯！黃牛黨會入歌迷會扮粉絲買飛，我哋限購2至4張，我亦代粉絲每場買幾百張飛，都成百幾、二百萬，咪同公司賒住先囉！」
至於Alex提到成為首位獲得美國Billboard Icon Award的華人歌手，坦言能在國際性音樂獎項留名感驕傲，早前更帶埋獎座去外家吃飯，他說：「呢個獎令太太家族覺得光榮，外母亦特別開心，有同啲朋友講，我都有將個獎畀1歲5個月嘅囝囝摸吓！」他又透露推出跳舞主題新歌，此曲特別為囝囝而創作，日前他去舞蹈室排舞時，囝囝聽到音樂就手舞足蹈！
