陸永讚演技好 辣着嘟嘟：死啦你！
藝人鄭裕玲（嘟嘟）與農夫主持的新節目《Do姐有問題》今晚首播，但昨日記者會上已宣布添食5集加長至25集。嘉賓岑麗香（香香）、朱千雪與陳煒等玩遊戲時要試食黑蟻蛋卷，嚇到香香「拒食」﹗
嘟嘟的經典劇《流氓大亨》近日重播，陸永笑說：「原來嘟嘟真係做得好好……」卻惹來對方「發惡」﹕「乜叫原來啊？死啦你！你估我淨係做主持啊？」她直言因重播時間太晚而未有收看，亦已記不起劇情：「淨係記得最尾嗰場萬梓良喊足分幾鐘。」對於外傳遭「勸喻」拒拍蕭定一網劇，農夫同聲說：「經理人接觸過啩，咁其實好多嘢都有機會做嘅。（以拍無綫嘢為主？）我哋依家真係拍緊TVB嘢，佢哋唔會干預我哋。」
另外，香香日前上載「纖腰照」，結果被外間推測有喜，她即澄清：「我發現咗個新App諗住玩吓，估唔到惹起大家關注，生育問題希望順其自然。」而朱千雪與男友暫未到談婚論嫁地步：「想各方面都穩定啲先，佢亦未求婚，如果結婚一定會通知香香。」
