於電影《吸血新世紀》（Twilight）系列飾演男、女主角女兒的Mackenzie Foy，轉眼已經亭亭玉立，她受訪時透露原來是位武功高手！
不少觀眾都記得《吸血新世紀》結局篇中，姬絲汀史釗活（Kristen Stewart）與羅拔柏迪臣（Robert Pattinson）的吸血鬼夫婦生了一個禁忌女兒，飾演女兒的Mackenzie當時12歲，轉眼已長大成人。
17歲的Mackenzie樣子嬌滴滴，原來她是個跆拳道黑帶高手！她受訪時表示：「我細個學跳舞，但個場館執咗笠，我就想搵一個可以同哥哥一齊玩嘅活動，所以就學跆拳。跆拳道教我哋要尊重所有人，當然我學之前已經識尊重人，但學完之後更加深明呢個道理。我打跆拳時，好開心，可以喺壓力之下完成一樣嘢係好重要，而對我嚟講打跆拳係一個自在嘅地方。我鍾意時刻保持體能良好，要做到出腳同俯臥撐，萬一遇到危險時，都可以隨時戰鬥，保護自己或者其他人。我用咗六年時間先攞到黑帶，跆拳道教識我要得到你想要嘅嘢，係需要付出努力同時間。」
提到Mackenzie前後用了4年時間，為電影《小王子》（The Little Prince）女主角配音，她自言過程很好玩，也學到很多東西：「要努力做應該做嘅事，但同時亦要享受樂趣，當然有時都可以傻傻哋！我嘅角色好細個就要面對好多壓力，令我好有共鳴，其實我哋大家都要面對呢樣嘢。如果遇到好大壓力嘅時候，我會深呼吸去令自己冇咁緊張。而我學跆拳道嘅座右銘係：唔好跌低。」
Mackenzie年底將於《胡桃夾子》新電影版《The Nutcracker and the Four Realms》中擔任女主角，與飾演仙子的姬娜萊莉（Keira Knightley）有不少對手戲。
Mackenzie很早就出道，3歲開始擔任模特兒，拍攝平面廣告，9歲開始做戲，參演電視劇。她於《吸血新世紀》的演出令人印象深刻，之後她還拍過鬼片《詭屋驚凶實錄》（The Conjuring）與科幻片《星際啟示錄》（Interstellar），並聲演動畫電影《小王子》。而即將上映的《胡桃夾子》是她首次真正擔正的作品，相信會令其星途更上一層樓。
文：外娛組