JW唱歌仔冧男友

歌手王灝兒（JW）昨日與陳柏宇、陳明憙、組合ReVe和Idol Junior出席活動，JW受訪時分享在外國讀書的經歷，直言只要不怕醜，主動與外國人相處就可以打破文化隔膜。不過當見到有嘲笑他人的行為，她都會出聲制止：「我唔鍾意聽到呢啲惡意說話，會話畀佢哋知叫佢哋改。」
JW大讚小朋友可愛。
JW大讚小朋友可愛。

至於工作方面，JW指今年希望出多4首新歌，又透露男朋友私底下鍾意聽她唱歌：「我成日唱歌畀佢聽o架，但係我成日都會唔記得歌詞，唱人哋嘅歌唱唱吓就會變啦啦啦，佢話想聽我唱完整嘅歌，所以會唱自己嘅歌畀佢聽。」

男子組合ReVe（左起）、JW、陳明憙與陳柏宇交流音樂經。
  • 男子組合ReVe（左起）、JW、陳明憙與陳柏宇交流音樂經。