唐曉彤身兼三職 做歌等圓夢

藝人唐曉彤（Kiko）7年前參加唱歌比賽奪冠，獲得唱片公司合約成為歌手，可惜簽約後「得個等字」，苦無機會出碟，最後未有續約，另作個人發展，靜待機會圓出碟夢。當時她年紀尚輕，覺得無止境的等待只是浪費時間，她說：「我覺得追求夢想嘅同時，都要為將來生活作打算，咁我屋企有人做護士，所以我一邊做歌手，一邊讀護士課程。」
唐曉彤繼續走音樂路，儲落一班歌迷。
唐曉彤繼續走音樂路，儲落一班歌迷。

Kiko回想身兼歌手及護士達3年之久，雖然過程辛苦，但努力總算有回報，她笑說：「其實唔止兩職，係三職，做歌係需要錢，當時我仲做埋補習老師，每日瞓4個鐘左右，但我好有鬥心。不過做實習護士時要讀好多書，同埋做醫護唔可以出錯，嗰時壓力好大，試過有段時間半邊面生晒暗瘡。」她現時仍任職護士，問到對音樂有何理想？她說：「我只想大家鍾意我嘅音樂，見到啲歌迷愈儲愈多，工作辛苦都有回報！」

唐曉彤靜候機會，未有放棄出碟夢。
  • 唐曉彤靜候機會，未有放棄出碟夢。