洪天明周家蔚擬人工受孕追B女
藝人洪天明一家、汪琳與囡囡、陳倩揚一家及文頌嫻與囡囡等昨午出席《Peppa Pig Live! Peppa Pig's Celebration》音樂劇記者會。早前洪天明於上海傳出緋聞，昨日所見他與太太周家蔚似乎已雨過天青，兩人更公開討論再生育問題。天明坦言：「再生一定要生女，所以如果係，會人工受孕，不過好多朋友話生三個嘅話，中間嗰個容易被忽略。」家蔚則笑指細仔喜歡粉紅色，但不擔心他日後性取向：「好似（藝人）金剛咁鍾意粉紅色，咪一樣鍾意女仔！」
汪琳預產期7月
另外，汪琳被發現腹大便便，她表示預產期為7月底，不過拒絕透露BB性別：「老公想神秘啲，係囡囡Kesha忍得最辛苦，我有咗（滿）3個月前，佢返學乜都唔講得，老師問起，一時要話媽咪扭親、一時又話媽咪忙，好彩早排家長日終於可以公布喜訊。（生完封肚？）係o架，以前湊Kesha嘅嘢忘記晒，啲日用品又送晒畀人，依家乜都要從頭嚟過。」文：影視組
