阿倫撲飛睇世界盃熱捧法國

阿倫熱愛足球無人不知，今屆世界盃6月開波，阿倫昨日以「明星足球隊」身份與黃日華、羅家英、吳國敬、泰迪羅賓、林敏驄、劉浩龍及戴志偉等現身宣傳，同場還有劉美君、賈思樂、林芊妤、盧海鵬等，為4月起播出的大型綜藝遊戲節目《Good Night Show全民星戰》進行熱身，節目將召集紅星與代表香港市民的ViuTV藝人大玩與世界盃相關遊戲，爭奪巨額獎金，而ViuTV藝人會將贏得的獎金全數派給觀眾。

黃日華貼阿根廷美斯捧盃

阿倫於台上表示睇好法國，因超多球星，黃日華則熱捧阿根廷，事關想美斯捧盃，劉浩龍則笑言要代表埋李克勤和梁漢文齊齊撐英格蘭，卻被林敏驄潑冷水：「咁你返屋企等消息喇！」阿驄表示為活動與阿倫合作寫了新歌《我們的夢》，還爆料說：「原本佢寫嘅，佢又寫唔好。」阿倫即搞笑說：「你寫啲嘢去到底線啦，畀個機會你。」又表示歌中會唱幾句俄文「加油」來打氣。

林芊妤玩遊戲時飛甩鞋，認真狼狽。	黃心美談世界盃熱捧葡萄牙。	黃日華

受訪期間，阿倫表示已準備6月飛到俄羅斯睇賽事：「準備去睇Opening同睇Final。（買咗飛未？）Final啲飛緊張啲，知道Opening嘅飛已經開始炒，我哋會分兩批人去，我頭尾場都會捧場。（幾多錢都要買？）盡能力啦！」問到「小朋友」可會同行？他即扮傻笑說：「幼稚園嗰啲？流感唔使返學喎！（你個仔呀？）佢唔喇！佢要做嘢，好忙冇時間。」至於屆時可會現身Now TV節目做旁述？他說：「睇佢哋安排，評述幾句都得，旁述就交畀專業人士。」提到陳百祥（阿叻）最撐的荷蘭隊不入決賽周，阿倫說：「我哋大門為佢而開嘅。（佢喺無綫，即係對台？）都係自己人。」

Now TV 4K超高解像度直播

Now TV今屆將首次採用4K超高解像度標準，獨家直播全部64場世界盃，ViuTV免費電視則會直播19場精選賽事，包括6月14日的揭幕戰、四強及7月15日的決賽，港隊門將葉鴻輝及羽毛球一哥伍家朗亦會陪大家睇波。

文：音樂組

攝：吳文聰