林泳淘出水矇查查 李佳芯走得甩
藝人林泳淘於前晚播出的《波士早晨》大騷32C上圍，但受無綫去年11月推出的「限奶令」影響，即使《波》劇三年前已拍畢，其「咪咪」仍慘被做手腳，而同穿比堅尼晒事業線的李佳芯則不受影響。
無綫去年11月推出「限奶令」，禁止旗下藝人於節目或劇集太過賣弄性感。林泳淘於三年前拍畢劇集《波士早晨》，前晚播出其學潛水的戲份，身穿泳衣的她在水中躍起一刻，32D上圍竟然被Blur（模糊化），相反着住比堅尼出場的李佳芯就不受影響。林泳淘受訪時未知「咪咪」被「淨化」：「公司有佢哋嘅安排，不過如果因為走光，我就要好好多謝嗰位幫我Blur嘅手足啦！」
李旻芳拍廣告不限奶
「限奶令」雷厲風行，不過節目以外，依然可以靠天賦本錢賺錢，另一無綫小花李旻芳（Lucy）昨日出席美容公司開幕活動，並於宣傳片大騷34C上圍，雖然性感程度未受「限奶令」規限，但她表示接工作時會考慮品牌背景及攝影師資料：「原則就係性感得嚟，連女仔都覺得靚同唔反感。」問到是否搶去同場陳婉衡的「峰」頭？她笑說：「唔會搶到佢『峰』頭，想搶都搶唔到。」Lucy又指性感照有給男友過目，獲讚優雅：「佢好開通，如果係工作佢冇所謂，如果平時咁着佢就唔畀。」
朱智賢特訓着高踭鞋
同場的朱智賢表示近日忙於拍攝新劇《白色強人》，又自爆被要求練着高踭鞋行路：「因為對高踭鞋都好高，我專登借咗返屋企練，連吹頭都着住。」
文：影視組