旨呈@享樂團扮拳手 真捱打

樂隊享樂團早前參與微電影比賽，飾演拳擊界明日之星的主音旨呈為此瘋狂操肌：「拍嗰陣係真打，畀人打到抽筋！之前練咗兩個月，依家胸肌差唔多43吋。」拍攝當日天氣非常寒冷，赤膊上陣的旨呈坦言感到很暈，又自爆愈打愈驚，忍不住叫對手「就住」。說到隊員Kenneth飾演記者，Samuel和Addy分別飾演教練和拳證，旨呈爆料說：「我教佢哋一、兩招，佢哋學識之後真係用行力咁打埋嚟！」問到練大隻是否為了吸引異性？他自嘲唯一吸引到的女性就是媽媽，更曾被誤會「出櫃」。