何紫綸做樓面搬埋貨踩界撈茶記

何紫綸（Ann）雖然已嫁為人妻，但熱愛工作的她反而愈做愈起勁，近年更多方面發展，除兼顧幕前模特兒工作，作為娛樂公司老闆的她，還要管理旗下藝人業務，絕對是名副其實的女強人！

街坊受落

最近Ann又多個範疇向飲食業進軍，早前被本報獨家拍得現身佐敦一間茶餐廳，落手落腳在樓面打點一切，盡顯貼地的一面。雖然Ann身材瘦削，但她相當有氣力，「大力士」上身搬運貨品及餐牌，絕不假手於人，又主動向途人宣傳餐廳食品，一人充當數個崗位，認真厲害！她更與街坊打成一片，有講有笑。

何紫綸獨力搬起一大箱貨，展現強勁臂彎。	何紫綸親自搬餐牌出店外，更落足嘴頭Sell客。	放大圖片

幫手宣傳

其後，Ann接受本報訪問時，表示該茶餐廳是老公的家人開設，她負責幫手處理宣傳業務：「其實我未接觸過飲食業，老公家人做開呢行，經驗一定叻過我，好佩服做呢行嘅人，其實好有技巧！（自己開番間？）會投資，唔落手做。港式餐廳有得賺，港式美食會諗起奶茶、牛腩、雞煲！我熟Online marketing，所以會用我嘅思維幫手做宣傳、畀意見大家。」

Ann指老公從事凍肉生意，既可家族式「一條龍」經營，又能在對方身上學習：「以往係我幫佢有關宣傳方面，依家掉番轉，學到好多小知識。」

文：專案組　

攝：吳文聰