歐詠怡唱出暗戀滋味

笑容甜美的模特兒歐詠怡（WingWing）去年與兩位堂姊推出寫真集，加上擔任音響模特兒深得網友喜愛，網上人氣高企！最近WingWing闖樂壇，將推出新歌《愛神箭》，她透露曲風參考偶像周杰倫的作品《告白氣球》，節奏輕快並加入少女甜美感覺，講述少女為心儀對象悉心打扮，見到暗戀的男生就心如鹿撞，WingWing直言勾起了她的心跳回憶：「諗起對方好Sweet，但見到面就好緊張，想佢知自己心意，又驚佢唔接受自己！（主動表白？）唔會，怕開口後連朋友都做唔番，我接受唔到畀人拒絕，冇咩把握都唔會告白。」