Soler受挫更型：經歷過經歷過先有味道！

組合Soler於2月14日推出新專輯，並到曾經生活的意大利宣傳作品，問到當年為何不在當地發展？弟弟Dino笑指這是Soler的歷程：「原本唱片公司嘅CEO好鍾意我哋，但之後轉咗新CEO，佢覺得我哋嘅音樂唔係佢哋要嘅嘢，我哋就一直搵新機會同新合約。」

生得Cool都有錯？

提到早年遇上官司和破產等事，哥哥Julio顯得很豁達，把現時擁有的正面態度及音樂才能等，歸功於以往的波折，坦言即使有機會，亦無意改變過去：「諗番起又官司又破產，覺得愈嚟愈有型，好似乜嘢都經歷過，好多疤痕！經歷過咪有味道囉，呢啲冇得假，好感謝上天安排咁多麻煩畀我哋！」問到最慘的是甚麼？Julio直言是被誤會：「可能個樣生得Cool啲，人哋就覺得我哋好Cool、好惡、好驕傲，其實熟我哋嘅人都知唔係。」最令Soler心痛的，是身邊人認定他們過於冷酷，以致失去工作機會，Julio說：「咁即係點？冇晒意義啦！但好彩我哋係兩兄弟，冇Dino我都唔知同邊個傾！」他又指Soler的歌曲常有「堅持」及「永不放棄」的概念，並自爆曾經日日都想放棄，新歌《重燃》象徵了他們重燃鬥志。

Julio婚姻生活多波折，但他依然有憧憬。	Dino堅持信念，同時藉新歌宣揚永不放棄的精神。	Soler沒想到外表Cool爆亦會招人話柄。

谷底翻身再奮鬥

Julio不諱言兩度離婚的打擊很大，眼見弟弟家庭生活幸福快樂，難免責怪自己：「愈嚟愈沉，去到好黑暗嘅位。但我好似有少少概念，感覺去到谷底先可以上番嚟。」問到對婚姻是否還有信心？Julio笑言一直對婚姻有信心，只是對自己沒信心：「如果內心有嘢未處理好，就會吸引唔適合你嘅人。」又坦言用了很多時間來療傷，康復後就可以重新接受愛：「我絕對有希望再次踏上婚姻嘅路。法文有句說話：『第三個係最好嘅！』（出現未？）呢啲你哋慢慢睇！」

文：音樂組　

攝：鄭家俊