梁雨恩六親不認飛鏢至上

歌手兼香港女子飛鏢運動員梁雨恩（Cathy）昨日出席新聞發布會，公布3月21日舉行總會盃邀請賽，她會以香港女子排名第一的身份參加：「我玩咗5年，呢幾年成績都幾好。當時膽粗粗，差唔多30歲先開始，不過飛鏢可以玩耐啲嘅。」至於可有拍拖？她直言太忙：「希望另一半都識飛鏢，可以陪我多啲。（有冇可以發展嘅對象？）冇諗住，因為呢年要飛十幾次去外地比賽，連見屋企人都唔係太多，要爭取時間休息。」Cathy強調現在重心放於飛鏢，推了部分演藝工作，但與慈善及福音有關的就會繼續。