Carlos葡國雞食出層次感
東網巨星節目《星級煮意~亞蘇爾．澳門菜》，由混血型男古天祥（Carlos）聯同澳門菜大師吳偉樑（Billy）教大家煮葡國雞，連在澳門土生土長、食葡國雞食到大的國際小姐蘇嘉慧試食後都大讚香滑好味道！
葡國雞是澳門葡菜的傳統菜式，Carlos表示去過葡萄牙，但未食過澳門式的葡國雞，Billy解釋葡國雞並非葡萄牙菜，是早年一些葡萄牙人帶着香料到澳門生活，融合了當地人的口味和食材，創造出澳門獨有的葡國雞，所以是澳門的本地菜！
葡國雞的製作方法不難，Billy今次選用去皮雞髀肉，一來更易處理，二來可以縮短製作時間。將雞髀肉醃製半小時後再煎香，隨即可以將配料加入，先後將咖喱粉、黃薑粉、白酒和雞湯加入炆煮，當然少不了靈魂材料花奶及椰汁，令菜式更香更好味。
秘訣：檸檬汁除雪藏味
Carlos邀來國際小姐澳門代表蘇嘉慧（So Sou）做試食嘉賓，食「葡國雞」食到大的So Sou，大讚今次的葡國雞適合本地人食用，不太辣，又香又滑！Billy教路煮「葡國雞」可選用印度咖喱粉，層次感會豐富得多，更提醒大家一定要用檸檬汁去除雞髀肉的雪藏味！
想知道葡國雞的做法、藝人們廚藝如何？記得鎖定由一眾藝人親自上陣示範的《星級煮意》，讀者隨時隨地都可以透過東網App及東網網頁收看及重溫。
葡國雞點整：
醃雞材料：
去皮雞髀肉、蒜蓉、胡椒粉、鹽、咖喱粉、黃薑粉、白酒、橄欖油、檸檬汁
醬汁材料：
橄欖油、牛油、洋葱、蒜蓉、咖喱粉、黃薑粉、白酒、雞湯、花奶、椰汁、薯仔、椰絲、葡國腸、橄欖
1/雞髀醃製半小時。
2/用橄欖油、牛油起鑊，炒香洋葱及蒜蓉後加入雞髀肉慢火炆煮。
3/將咖喱粉、黃薑粉、白酒、雞湯加入，慢慢炒收緊水分。
4/將花奶、椰汁、薯仔加入，慢火煮五分鐘。
5/把葡國雞放入烤盤中，將椰絲、葡國腸、橄欖鋪面。
6/放入焗爐，用250度焗十分鐘至葡國雞表面金黃色。
文：影視組
https://goo.gl/qvPcHF
場地：AZORES亞蘇爾澳門菜
地址：元朗形點商場一期2樓2056舖