林子善帶兄弟越南食好嘢

藝人林子善將於4月3日舉行婚宴，日前與一班兄弟黃長興、袁偉豪等到越南芽莊，進行陽光與海灘的婚前大派對！眾男於豪華的Villa入面曬太陽、暢游，身材勁Fit的他們不忘晒肌。而此行的其中一個目的是拍短片於婚宴上播放，同行還有一位專業攝影師朋友，故子善亦不吝嗇，於社交網上載一張裸身「水着照」，頂住大家癮先。

嘉穎馬國明女友唔放人

子善接受本報獨家訪問時說：「我哋揀芽莊，係因為嗰度冇咁多香港人，冇咁多古靈精怪嘢！你知道，幾個男人去，啲人會亂諗嘢，費事畀人影到又唔知話我哋做乜，不過我哋喺酒店游水，隔籬房都睇到晒！（點解唔叫埋好兄弟鄭嘉穎、馬國明同黃嘉樂一齊去？）佢哋驚囉！一啲又話女朋友唔畀，有啲又話唔使預佢。」

林子善（左起）呢個婚前解放之旅搵埋袁偉豪同黃長興一齊去越南。	黃長興日前同家人去完日本旅行，即轉機去越南搵班兄弟。	放大圖片

黃長興合家歡完轉機玩

而剛與家人去完大阪旅行的長興，則轉機到越南，他說：「我哋夜晚周圍搵餐廳。（全部男人淨係搵餐廳？）係呀！我哋食海鮮、湯河、生蠔，越南嗰邊街邊都有新鮮龍蝦賣！其實我哋都未去過越南，間酒店真係好靚，仲好貴添！不過仲未開發晒，遲啲可以再同屋企人去。」

文：影視組