MK盈盈情陷楊明

前港姐冠軍馮盈盈（Crystal）首次擔重戲份，飾演江湖味濃的酒吧老闆娘，而熱心社工楊明希望將她導回正軌而糾纏不清，並發展出感情線，她笑說：「第一次拍劇就咁有型，會爆樽、打人，仲會掟人落海，仲有紋身。」她直言角色與自己有點似：「有啲粗魯，仲有好多爆炸性言論，我懷疑編劇係咪睇咗我平時嘅節目言論！」
馮盈盈首次拍劇，新鮮感十足。
馮盈盈首次拍劇，新鮮感十足。

Crystal被網民笑稱個性「MK」，今次演出或是發揮機會？她說：「咁旺角同油麻地都係同屬油尖旺區嘅！（新人怕被投訴演技？）我都知觀眾高要求，身為新演員都有心理準備接受意見，希望觀眾睇到有咩可改進，可以用各種渠道話我知！好好彩我咁啱又開新劇，可以即時吸收同改進。」

楊明與馮盈盈有感情線。
  • 楊明與馮盈盈有感情線。