黃智雯有「因」必有果 袁偉豪睇好：上岸唔使做！

孫慧雪、袁偉豪、黃智雯及陳智燊等拉隊宣傳熱播劇。

劇集口碑最重要

提到劇集播出兩周後反應不錯，袁偉豪亦替拍檔Mandy感高興：「佢真係付出咗好多，有三個人格畀佢發揮。（網民捧佢做視后？）我都好支持佢，我同佢拍嗰時都同佢講：『你拍完可以息影，可以享福，上岸唔使做』。」而Mandy被問可有信心時，她指今年還有多套劇集播出：「希望呢套劇口碑同觀眾嘅支持可以延續到頒獎典禮。」對於繼《雜警奇兵》後，《三》劇是她第二部有份主演的劇集於周日晚播出，Mandy指口碑最重要，又可以令觀眾在周日追看劇集。

孫慧雪開工難捨囝囝

此外，孫慧雪表示於農曆新年為囝囝Riley(手豆)了不少利是，但因有工作在身未有到圈中好友家中拜年，亦少了與囝囝見面的時間：「佢瞓醒覺見到我好開心，但我每次出門返工，佢學識同我做拜拜手勢，望住我好似唔開心咁。」早前透露今年出歌的她稱下周出發到北海道拍MV：「產後第一次出門，我依家開始唔捨得BB。」她又擔心當地暴風雪：「依家都準備啲厚衫，同自己講唔好凍死，要返嚟照顧BB！」

黃智雯獲網民力捧爭視后，感謝觀眾支持。

陳智燊與孫慧雪夾手夾腳炮製甜品。