猷啟「丁財兩旺」 疑雙喜臨門
賭王三房兒子何猷啟年初二在網上宣布向女友求婚成功，已封盤的他昨日以總理身份出席東華三院春節團拜，春風滿面。他透露正籌備婚禮，有新消息會通知大家。談到準何太的身份，他指未婚妻叫Gigi，是內地人，由朋友介紹認識。問到對方有何優點？他笑言：「感覺囉，適合。（爸爸有冇見過？）家人都見過佢，印象都幾好。（爬家姐何超雲頭，佢會唔會唔開心？）唔會，係開心事。（求婚時感動到喊？）佢有喊，但細節唔講。」
王賢誌怕另一半演粵劇
猷啟影大合照時剛好拿着「丁財兩旺」的揮春，問到是否其心意？他說：「咁啱啫。（雙喜臨門？）我未有丁，唔諗住。」他祝大家龍馬精神、身體健康及單身人士早日找到另一半，問到是否想人人像他一樣？猷啟含笑點頭，心情靚爆。
至於即將上任新一屆東華主席的王賢誌亦現身團拜，問到上任後會否更少時間作幕前演出？他說：「冇時間就唔做囉！其實我都唔係好活躍幕前，我唔係全職藝人，但如果配合到東華都可以，好似四月就會有個粵劇，我都會首次粉墨登場。」問到會否叫另一半Kevin一齊演粵劇？他笑稱：「佢唔得，佢上台嘅話我仲驚過佢，佢會面紅，好怕醜。」
另外，猷啟家姐超雲本月26日29歲生日，她昨日在社交網上載慶生照，並留言：「還差一年就30啦，2字頭bye bye#多謝大家沒嫌棄我老了。」