周秀娜提名影后自嘲執到

演員周秀娜、顏卓靈、姜皓文、蔡潔、盧海鵬等前晚在奧海城出席首映。入行十年的周秀娜憑電影《29+1》首度入圍競逐金像獎影后，她笑說：「自己執到，感覺好難以置信，有得入圍已經當攞咗，咁啱又入行10年。」講到對手強勁，包括有毛舜筠、周迅、張艾嘉等，問到她看好哪位？周秀娜笑說：「好難揀，聽講話第一次提名就攞，之後會冇嘢做（o架），哈哈。（諗住陪跑？）唔係，攞獎就梗係開心啦，但唔會有太大期望。（揀定戰衣？）要揀，之前去咗日本旅行好放肆咁食嘢，所以都要Keep Fit，以最佳狀態示人，你哋都知啲衫好貼身，唔係人着。」