森美帶老婆出埠夜晚唔會悶

藝人森美、小儀及組合艾粒等昨日出席活動，談及節目監製金志堅（金仔）被指背女友梁嘉琪偷食，更於嘉琪宣布分手後懷疑「潛水」，森美透露是金仔主動請假休息個多月，不知道何時再返工，他承認有傳短訊為嘉琪打氣，但不便評論別人的私事。問到可會介紹男仔給嘉琪？森美說：「感情嘅嘢好難講，等佢攤抖一排先，或者一年半載，佢又搵番阿金都唔出奇。」此外，他透露稍後會做星級導遊帶團，太太亦會同行，笑說：「有陣時夜晚喺酒店悶悶哋，有老婆喺身邊可以多啲嘢做。（做啲咩？）求太太同我一齊執篋囉！都要求幾粒鐘o架！」笑爆全場！至於少爺占則踢爆Donald過年玩啤牌遊戲「射龍門」輸錢：「佢輸咗5千蚊都未找數！」