龔嘉欣擺烏龍車姚子羚去墳場

龔嘉欣、蘇玉華、陳凱琳（Grace）、黃浩然與沈卓盈等，前晚出席無綫劇集《平安谷之詭谷傳說》祝捷會，現場筵開十席慰勞台前幕後，並宣布該劇7日跨平台最高收視30.4點，無綫高層杜之克、曾勵珍、樂易玲亦有現身，杜之克坦言劇集有此成績，演員絕對是超標完成，還點名讚劉江演技好。

擔心冇桃花運

嘉欣興奮表示未有預計劇集有此佳績，雖然未知會否開續集，但劇組已想好下次再慶祝。單身的她透露農曆年廿八買了一棵桃花，無奈幾百個花蕾僅開了一、兩朵，令她非常失落：「好灰心，想盡快送走佢，因為意頭唔好，會唔會今年冇晒桃花(o架)？」

姚子羚、龔嘉欣	陳凱琳台上落淚，獲曾勵珍摸面安慰，黃浩然亦一臉關心。	陳凱琳

她又表示早前孖住好姊妹姚子羚到沖繩小休，沒有艷遇之餘，更遇上驚險經歷：「呢個旅程全部我揸車，有晚諗住去海灘放煙花，點知導航問題去咗墳場，當時我已經好驚，但驚子羚知道會仲驚，唔敢話佢知，好在最後都去到目的地咋！」

蘇玉華（左）感冒未愈，沈卓盈都敢攬到實！

《平安谷之詭谷傳說》台前幕後祝捷，場面熱鬧。

至於陳凱琳在台上喜極而泣，自言一向努力做好角色，談及嘉欣家中桃花不開，她笑言會安慰對方：「佢成日叫我介紹男仔畀佢識，但如果個男仔唔好，責任就喺我身上，所以都係順其自然。」

蘇玉華病到瘦

而蘇玉華則抱恙上陣，透露感冒菌入胃及腸，要男友潘燦良孭她求診：「個腦好似甩出嚟咁，打針都要打兩支，食咩都嘔。（瘦咗幾多？）唔知，但條裙就鬆晒。」談到男友貼身照顧，她坦言非常感動：「如果佢唔喺度，我餓死咗啦！佢煲粥、買菜同蒸魚畀我食，平時煮得多畀佢食，係時候使番佢啦！不過真係好Sweet，多謝佢，否則我會好孤獨。」

文：影視組