李菁殮葬費青霞仙姐伸援手
藝人邵音音、黃夏蕙、林雅詩與緋聞男友兼經理人馬天樂、李逸朗等，昨日出席新春活動。邵音音透露將為日前在寓所暴斃的「娃娃影后」李菁辦理身後事，她說：「因為佢屋企人喺上海要辦證趕唔切嚟，我哋一班『邵氏之友』唔忍心佢嘅遺體同冇人認領嘅遺體擺埋一齊。（幾時去認屍？）我哋幾十年冇見，大家又冇關係，所以要等警方、法庭確認我哋可唔可以去認屍。」
邵音音待批認屍
談到殮葬費問題，邵音音直言林青霞、白雪仙、徐小明等已表示會負責李菁的殮葬費：「大家都好有心，好唔捨得呢位亞洲影后，個個都好痛心佢有咁樣嘅下場。（李菁有乜親人？）唔清楚，鄭佩佩、曉華佢哋班上海幫就熟啲，鄭佩佩都照顧咗佢一段時間，佢有心事就會搵曉華拖住手傾偈。」
至於林雅詩新春期間在大陸登台，有粉絲跟蹤她返酒店，還有觀眾隨時會衝上台抱抱影相，要靠助手擋駕，幸沒有被抽水。
文：影視組