鄭欣宜捧自己保住一姐個位！
榮升老闆的鄭欣宜昨日為旗下唱片公司舉行發布會，並首播新歌《鄭家詠》MV，MV請來好友許廷鏗、JW、鍾舒漫、林欣彤、鄧小巧和陳慧敏等，在欣宜住所的客廳打邊爐拍攝。而老闆蕭定一派大紅大紫利是給欣宜，當中有張沒寫銀碼的支票以示力撐。
提到MV令香閨曝光，欣宜笑言：「你睇我為演唱會幾搏！錄音都喺屋企錄，想有家嘅感覺。」她直言暫時不打算捧新人，先搞掂自己：「點都要保住一姐個位，好難得先上到o架！（簽男仔？）都可以諗，簽一隊仔返嚟。」
祭母墳前多鮮花
另外，欣宜4月21及22日的紅館演唱會今日公開售票，問到加拿大的親友可會回港捧場？欣宜指家人年紀不小，乘長途機很辛苦，但會買飛送給朋友睇，舊同學就會來港支持。日前她返加拿大探親及拜祭亡母，欣宜說行程很忙，但不肯透露帶了甚麼祭品：「每次去到媽咪墓前都一定有好多花，證明大家冇忘記佢，自己活得好，就係送畀媽咪最好嘅禮物！」
文：音樂組