阮兆祥瘦20磅 同祖藍掉轉身形
藝人王祖藍、阮兆祥及李思捷組成的「福祿壽」將於3月8和9日在紅館舉行一連兩場《福祿壽十周年演唱會》，三人昨日綵排，當中祥仔更瘦了兩個碼。受訪時，祥仔透露在6個多星期內激減20磅，原因是想身形更好睇：「今次嘅跳舞部分比以往多咗好多，係靠飲食同做運動。（會大騷成果？）到時睇吓係咪瘦啲先。」在旁的祖藍表示看到祥仔，感覺就像交換了身體，問到是否於農曆新年增了磅，他直言跟老婆及家人去了旅行，回港後還大吃大喝。
邀請超級嘉賓
提到祥仔在演唱會Solo勁舞，祖藍搞笑說：「佢嗰Part勁過郭富城，如果郭富城跳到，我請佢打邊爐，其實不嬲都好想請佢嘅。」三人又指演唱會無論表演或嘉賓都會令大家目不暇給，更預告兩晚的五位嘉賓都不同，頭場更有一位超級嘉賓。
此外，祥仔呼籲不要送花籃，希望大家將買花籃的錢，做善事捐給福幼基金會，屆時會設有鳴謝善長人翁的牌。
文：音樂組
攝：張福宏