余文樂重遇咸美頓車天車地
藝人余文樂（樂仔）與IG女神倪晨曦（Elva）日前應美國時裝品牌Tommy Hilfiger邀請，齊齊出席米蘭時裝周睇騷。身為品牌香港代言人的樂仔透露，今次最難得與英國一級方程式冠軍車手咸美頓（Lewis Hamilton）再次見面：「我哋喺會場一齊拍片、傾吓賽車，亦有機會親身坐上F1跑車玩賽車遊戲。」Elva對於再在時裝周遇上樂仔感開心：「上次佢仲帶女友嚟，依家已成為人夫，成個人穩重咗、大個仔咗。我唔記得同佢拜年攞利是，祝佢幸福快樂，甜甜蜜蜜！」
另外，陳法拉亦現身時裝周，還按中國傳統向設計師Giorgio Armani派利是，又獲大會安排生日飯慶祝，大感驚喜。內地女星姚晨則為意大利時尚品牌ETRO行騷，是品牌創立50年來首次找明星擔任壓軸。
