星夢 新城破冰鄭俊弘何雁詩畀足面！
星夢歌手鄭俊弘（Fred）、吳若希（Jinny）、何雁詩、林師傑、譚嘉儀、伍富橋、鄭文欣、戴祖儀和林穎彤，昨日可謂「畀足面」，拉大隊出席新城電台新春團拜活動。因之前星夢不滿新城頒獎的機制而缺席新城頒獎禮，現在近乎全體歌手來撐場，明顯已破冰。
問到Jinny和Fred此事時，星夢老闆何哲圖即搶答：「冇， 一直關係好好嘅，今年我哋都會多啲參與佢哋嘅活動，希望所有歌手派新歌嘅時候都會大播。（已接受新城機制？）傾完進一步了解咗，大家有咗共識，原來佢哋嘅機制係咁，嚟緊會知道點安排。（條氣順番？）又唔好咁講，起碼知道佢哋嘅取向係點，知道點做。」獲老闆解圍的Jinny和Fred不禁說：「好彩老闆答，我哋唔識答。」
提到何雁詩未到男友Fred家中拜年，Fred說：「係未呀！因為我阿媽最近好忙，返嚟香港係演粵劇，演好多場。（你唔同女友去捧場？） 我都唔知佢鍾唔鍾意睇。」但何雁詩未拜年可怕母親不高興？Fred說：「唔會，OK嘅！」