今年榮升契媽的黃智雯，對於能派利是給契仔感興奮，但講到結婚正式派利是就笑言隨緣。而袁偉豪則透露會帶女友張寶兒到家中拜年，未有被長輩催婚，但自爆未向女友父母拜年。

藝人黃智雯（Mandy）、袁偉豪、孫慧雪（雪雪）等前晚出席劇集《三個女人一個「因」》飯局，齊齊打邊爐睇首播。一眾演員新年各自各精彩，與男友感情穩定的Mandy透露已到男友家中拜年，亦有派利是給契仔、好姊妹胡杏兒囝囝「Baby Lee」。問到明年應結婚派利是？她笑說：「我呢個年紀仲𢭃利是都唔好意思，但仔女永遠都係父母眼中小朋友嘛！（父母想派畀個孫？）佢哋想我開心，呢啲嘢隨緣啦！」

而袁偉豪被問到有否帶女友張寶兒回家過年，他笑說：「一定會！婆婆有問我婚事，老人家係比較心急，我自己就隨緣。（確定女友地位？）唔好咁講，大家相處好，互相支持，對方家長點諗我都唔敢諗啦！」大讚寶兒是好女仔的袁偉豪，被問到是否行外母政策？他說：「仲未同佢父母正式拜年，應該過兩日去。（準備咩賀禮？）心意啦！一定會準備！」

榮升媽咪的雪雪單拖現身，她笑指老公怕醜，又怕閃光燈嚇到囝囝。雪雪又指以前不懂得體諒已為父母的朋友為何常常遲到，現在終於感同身受。問可有其他湊仔血淚史？她說：「之前好期待佢叫媽媽，但原來佢依家一識叫媽媽，就會咩事都嗌媽媽，好似我今日化妝嘅時候，我就衝咗出去3次，依家有啲後悔！」

文：影視組