艾美琦整容激變黃翠如
藝人艾美琦（Amy）以火辣Bra top晒東西半球造型，祝大家狗年生生猛猛！過年前到台灣進行鼻子矯形手術，不料遇上花蓮地震，擔心整容變毀容的她，如今傷口已拆線，驟眼望落整容後的她，竟有幾分似黃翠如！雖然尚有些微鼻腫、面腫，但她自抽：「我希望今年發過豬頭啦！」
紅Bra催旺運勢
Amy不但冇被地震震歪靚鼻，更趕及新正頭以「翻版翠如」靚樣示人，她說：「我搵師傅幫我算過，佢話我五行屬性有太多水，一定要用火嚟旺番，佢建議我着多啲紅色衫，愈紅就愈旺！所以我趁過年收爐前，去添置咗一大批唔同款式嘅紅色Bra同底底，希望一日24小時都被火包圍住自己，助旺個運勢吖嘛！前幾日我傷口拆線，雖然鼻同面都仲有些少腫，掂到個鼻仲會痛添！但個樣已經可以出街見人，可以靚靚咁去拜年𢭃利是！」
文：影視組