孫慧雪特訓得意B仔冧人翻本

深得網友喜愛的藝人孫慧雪，前年嫁予圈外老公羅天彥，去年火速誕下巨B Riley，今年是第一年以媽咪身份過農曆新年，雪雪笑言買了很多可愛童裝衫，又教半歲囝囝講恭賀說話，希望能𢭃到更多利是：「舊年第一年派利是，支出都幾多，今年就唔同，會帶囝囝收利是，希望打番個和！（有咩必殺技？）將佢打扮得意啲，仲會訓練佢講恭喜發財，咁識講嘢可能會收多封o架！（BB依家識講咩？）識BB話咁講I Love You，但就唔肯叫『媽媽』，講得最多係『奶奶』，一肚餓就嗌，喊嗰陣先會叫『媽媽』囉！（點處理佢啲利是錢？）我係好媽媽唔會私吞，我會幫BB開戶口儲起佢，等佢大個先同佢講媽媽幾好！」

肖狗無懼犯太歲

肖狗的雪雪今年是本命年，但她不相信犯太歲，更非常期待，笑言可以買很多狗公仔禮物。講到新一年目標，雪雪笑言要將肥肉轉送給囝囝，BB肥肥白白，自己就苗苗條條，而工作上亦有新突破，將推出歌曲一嘗做歌手滋味：「想把握時間挑戰自己，之前有Fans想我試吓唱歌，於是就造咗首歌，曲風編曲係型格嘅，令人意想不到o架！」春節後她會到北海道拍MV配合「雪雪」主題，因此要努力減肥，但新正頭幾日會破例放肆照食。

雪雪今年另一目標是做歌手。

雪雪帶同半歲的得意B仔，四出拜年𢭃利是。

文：立影

攝：吳文聰

髮型：Simm Lui＠La Mod

服裝：Amber Fashion

場地：Stormies