陳凱琳日日被催婚有晒標準答案
陳凱琳、梁烈唯及丁子朗新年相約食賀年菜齊齊「撈起」，陳凱琳透露新年到男友鄭嘉穎家拜年，對親友催婚早已習慣，兼有應對之策。
無綫藝員梁烈唯、陳凱琳與丁子朗趁新年相約食賀年菜，先來一味「三文魚撈起」，寓意齊齊狗年撈起，大紅大紫，而「海參燒柚皮」及「花膠龍躉」，則取其意頭年年有餘。陳凱琳透露年初一與男友鄭嘉穎互相到對方屋企拜年，兩人感情穩定難免被催婚，陳凱琳笑言一早準備好應對之策：「都唔會等新年先催，日日都有人問，會答『得o架喇，知o架喇，多謝大家關心。』」唯唯則搞笑地教陳凱琳說：「多事啦！」似乎只適用於赤口。
梁烈唯帶女收復失地
唯唯則帶女兒去長輩家拜年𢭃利是，他笑說：「結咗婚未有個女嗰陣好蝕底o架！試過去拜年，聽到有人嗌『唯唯嚟喇』，然後排長龍同我𢭃利是，好快派晒，要畀十分鐘我再入利是，之後嗰年冇去喇，哈哈！今年有個女會再去番，已經教咗佢講多謝。」唯唯又指想趁明年豬年追個豬仔。
父母在外國的丁子朗，新年陪公公婆婆過年，但自言只懂得煮公仔麵，唯唯笑說：「咁整個賀年撈起版公仔麵囉！」丁子朗又透露麥玲玲師傅指今年會有長輩介紹姐姐給他認識，笑言未試過姊弟戀，又表示要買桃花催運，唯唯即笑他：「買一支先，慢慢買，買一棵我驚你太多桃花受唔住，驚你撞到啲邪花呀，哈哈！」
文：影視組
攝：吳文聰
場地：富豪香港酒店（富豪金殿）
陳凱琳服裝：Sparkle Concepts