煮家鄉菜氹婆婆黃智雯唔驚嫁唔出
無綫花旦黃智雯新年不用開劇，可以有多點時間陪伴屋企人樂敍天倫。小時候與婆婆同住的她，新年最深印象是婆婆每年會親手整油角，由搓麵粉、磨花生也是一手一腳自家製造。問到是否承傳了婆婆手藝？她笑說：「我唔識整！淨係識搞搞震，我成日整爛啲油角，所以佢哋唔畀我整，淨係負責一齊食。不過，依家都想學吓整得靚啲。」
黃智雯婆婆早前身體出問題，現在已經康復，黃智雯希望新年親自煮婆婆拿手的家鄉菜慰勞婆婆：「想整啲嘢食畀婆婆，佢從來唔畀我入廚房，婆婆煮嘢食太叻，我根本唔入流，依家自己住，有時唔識煮都係打電話問婆婆。好想煮魚肉釀豆腐畀婆婆食，呢味係佢最拿手嘅家鄉餸，想證明畀婆婆睇我大個女，唔使擔心我嫁唔出，哈哈！」