關心妍拖狗帶女𢭃利是幫補學費
幸福人妻關心妍（Jade）日前帶同愛女楊榮心及愛犬Butter四出拜年𢭃利是，她說：「今年係心心第一年正式出去拜年，我同阿女講要努力𢭃多啲利是，因為阿媽齋派咗九年利是，係時候要幫補吓！」問到心心的利是錢是否「收歸國有」？Jade稱會幫女兒儲起作教育之用，Butter的利是錢就買零食：「唔明點解狗仔利是錢，每封得20蚊。」
問到新年願望，Jade最想搞好其慈善基金，令受情緒困擾人士受惠，又大嘆籌款艱難，呼籲各界伸出援手：「希望搵到平租嘅地方開音樂治療中心，最好交通方便，否則冇人嚟仲蝕得多。」為降低成本，Jade與老公一腳踢，但感恩「好心有好報」，突然一個月內有四、五個筍Job搵上門，等她有歌酬作營運基金。
場地：糖街CEO