Bobby齋食同瞓過Hea年
無綫「福將」歐陽震華（Bobby）去年參演50周年台慶長劇《誇世代》，早前又到內地演出舞台劇，可謂忙個不停，今個農曆新年終於可好好休息，他笑言「食瞓」過新年：「新年都係休息，食同瞓，好好抖吓。」
Bobby出名愛美食，最懷念小時候外婆親手製造的賀年食品，他說：「新年最鍾意食蘿蔔糕，最緊要係醬料，蘿蔔糕梗係配辣椒醬！仲有煎堆、千層糕，我婆婆整得好叻，以前全部人都係自己整，依家就冇咗呢啲手藝囉！」Bobby曾答應萬綺雯用半年時間操弗身體，目標操出「人魚線」，他笑言食完過新年後再打算。