薛家燕嫁黎小田？「你話會照顧我！」

著名音樂人黎小田一連兩場紅館《小田金曲50年作品演唱會》前晚開鑼，因遷就原定的賀歲煙花匯演，演唱會於9時半開場，騷前螢幕有顯示，讓觀眾為日前大埔巴士車禍的死者默哀一分鐘。黎小田全晚邀得20多位嘉賓助陣，包括薛家燕、湯寶如（湯記）、黎瑞恩、王馨平、衛蘭、衛詩及陳曉東等，他則坐在台下彈琴。

最憎小田向蟻屙尿

當湯記唱完《似火探戈》後，向黎小田笑說：「希望今年你同家燕姐可以拉埋天窗！你同家燕姐嗰啲眉來眼去我睇到，依家先爆你大鑊。」惹得哄堂大笑，黎小田即說：「女仔講埋啲咁嘅嘢。」其後，女主角薛家燕現身，黎小田上台半跪送玫瑰花。兩人暢談童星時期的往事，薛家燕讚黎小田靚仔有型，豈料有一樣嘢令她反感：「有一日我見到佢做消防員救火，向啲螞蟻屙尿！我好純情，唔得咁樣，所以唔可以鍾意佢。」

黎小田向薛家燕送花又送肉嘴，還自爆追求往事。	薛家燕、黎小田	黎瑞恩獲湯寶如、王馨平送上蛋糕，預祝生日。

台邊踏空有驚無險

之後兩人講到70年代合作《家燕與小田》，薛家燕讚黎小田有才華，並唱出《心肝寶貝》給他聽，期間黎小田錫她面珠，接着自爆：「其實你離婚之後我追過你一輪。」薛家燕坦言記得：「你嗰陣見到我話『早知嫁畀我啦』，我都唔知笑定嬲好，你話會照顧我。」黎小田即笑言：「後尾諗諗吓，你『褦』住三件喎！」全場大笑。到Encore環節，多位歌手再出場合唱《問我》，最後一眾嘉賓在升降台準備降下離台，企在台邊的黎小田有一隻腳踏空，工作人員見狀即上前扶實，幸有驚無險。

衛蘭、衛詩及陳曉東落力為黎小田演出。

衛蘭、衛詩

文：音樂組

攝：鄭家俊