任達華出埠度歲陪妻女玩冰火

影星任達華與衛詩雅於賀歲電影《我的情敵女婿》中展開一段父女戀。現實生活中，任達華則是一名廿四孝老公及慈父，去年底陪太太琦琦及女兒到芬蘭過白色聖誕，農曆新年亦繼續出埠玩到夠，他說：「之前去凍嘅地方，新年會搵可以出汗嘅地方去，最好日日有40度以上，我就同個女行吓公園、開住音樂跳繩同玩，大約去10日輕鬆吓！返嚟要同吳鎮宇、王千源開新戲。」談到新年習俗，任達華指太太很傳統，必定將家居布置得很有節日氣氛：「就算我哋出埠，屋企都會貼滿吉利說話嘅揮春。（新年願望？）梗係世界和平，雞年發生咗好多唔好嘅事，所以希望全香港人狗年都搵到大錢。」