吳業坤求破Dry 搵有錢女包養

去年被傳拜狐仙及緋聞等一籮籮是非的吳業坤，趁着新正頭到黃大仙祠拜神，希望轉番個大運，他添香油、上香等步驟做到足，其後去了求籤及解籤，事業方面求得中籤，指坤坤今年忙碌，會辛苦些，4月運程開始好轉。愛情方面他則求得中上籤，解籤表示有個有錢靚女會主動追求他，姻緣在新正頭或6月會出現！

肖馬的坤坤去年犯太歲，負面新聞纏身，新一年即求得兩支好籤，他說：「幾好咁，有富裕、幾靚嘅女生會追我，我都期待！最好富裕到養埋我，咁我就可以一了百了，為所欲為。（接受食軟飯？）唔係，都要付出嘅。」他坦言想搵到真命天女來謝絕緋聞，卻因多緋聞令外界以為他有很多女友，故難度不小。問到可會避忌不跟女拍檔玩咁埋？他笑說：「已經避忌咗兩年，好Dry呀依家！（心急拍拖？） 又唔係心急，想，但急唔到，要耐心，不過愛情呢啲嘢要嚟就嚟。」

吳業坤到黃大仙拜神，希望新一年衰運走、好運來。	吳業坤為愛情及事業求籤。	放大圖片

預告向「外」闖

事業運方面，坤坤說：「呢行辛苦係好事，辛苦咗一定有收穫，呢行會大起大跌外，都係揼石仔嘅行業，唔介意揼多啲石仔。」講到去年的是非，他說：「希望可以減少呢啲不必要嘅流彈中槍。（上年話你拜狐仙？）所以我依家嚟拜黃大仙，扭轉吓，希望大家會釐清事實先作出反應，唔淨係話我，係指所有事。」講到今年大計，他表示會出新碟，亦會嘗試到外地做歌及與外國歌手合作，演戲方面已排了兩部劇集，新一年希望再有多些角色令人留下印象，以及更多人識唱他的歌。

文：音樂組

攝：劉智源