黃文意喪食唐文龍唔Mind
無綫36D咪神黃文意（Mandy）去年性感演出節目《3日2夜》後，知名度大增，帶挈她賺近六位數字，決定在新一年除了利是「加碼」，更會請一家人到酒樓食開年飯：「以往農曆新年都係屋企人煮飯，今年會請佢哋出去食，唔想佢哋煮得咁辛苦。同埋自己都做咗嘢一段時間，節目出街後多咗人認識，收入比以前好好多，更加係時候要孝敬父母！」
正忙於拍攝新劇的Mandy，要為角色增磅，故春節「攞正牌」放肆大食。問到緋聞男友唐文龍可會介意其身形？她笑言：「佢唔係咁膚淺嘅人，作為演員有時要為工作付出或犧牲，做呢行都會理解嘅。（會唔會拜年見家長？）暫時都係認識中，未必有機會啦！」展望新的一年，她希望工作順利，賺到金銀滿屋！
服裝：Missanaweird
髮型：Viva Hair
場地：雲來軒