祝文君等城城「找數」 網民：買少架車夠啦！
動起來，全城追瘦郭富城！無綫官方Facebook專頁前日重溫天王郭富城於1994年接受《娛樂新聞眼》節目訪問時，直言婚後才可派利是，並許下承諾：「全港市民都會收到我嘅利是！」如此大愛的承諾，即引起全城集氣齊叫城城「記得找數真漢子」！香港人口約七百多萬人，以港人一般派廿元利是計算，城城「找數」就要派1.4億元，加上他婚後首次派利是，若派雙封，就要派2.8億元！
當年訪問城城的主持人祝文君昨日接受訪問時說：「如果城城願意兌現承諾，我當然開心無比，仲會要佢喺利是簽個大名，留為紀念！請大家話我知佢幾時現身，我速到向佢拜年，就算10月都唔怕遲，我絕對有心o架！」
而大批網民提供各式「找數」方法，包括自備利是封親到城城的經理人公司排隊索取、憑城城主演的電影《西遊記女兒國》的票尾換取10元現金券，或者透過微信派利是會更便捷！網民留言：「城城大把水，買少架車夠啦！賭少場馬，都夠啦！」、「7000萬郭富城唔會畀唔起，唔睇吓佢有幾多架車？」、「一人一張財神到！」、「最好扮財神喺鬧市派！」、「原來方媛出世係迫城城派利是。」、「都冇話係畀錢畀利是，可能派朱古力金幣！」