林欣彤誤做第三者：冇得一秒就放低

歌手林欣彤（Mag）在情人節推出新歌《忍》，她昨日到電台宣傳新歌時說：「係首好慘嘅情歌，講一段不能忍受嘅關係，自己不斷降低底線去遷就對方，忍到連自己都睇唔起自己。」問到情路上有否做「忍者」？她說：「我真係試過唔知情嘅情況下做咗第三者。（入行後？）係，知道咗之後，冇得話一秒就可以放低，嗰段時間有忍過。」
林欣彤捱凍坐在街上痛哭。
林欣彤捱凍坐在街上痛哭。

情緒失控街頭痛哭

早前Mag為《忍》拍MV，擺自己上枱演「小三」，並邀得歌手好友陳慧敏演出。「小三」Mag在餐廳撞正男友向其正印求婚，由於「刺激」過度，她按捺不住擸手袋離開，在街頭拔足狂奔，其後情緒失控坐在街上痛哭。當晚氣溫僅得10度，她為配合劇情衣衫單薄捱凍，但她笑言拍攝過程最辛苦不是捱眼瞓及捱凍，而是爆喊：「我份人平時唔係咁易喊，好驚拍嗰陣喊唔出阻大家收工，所以拍之前幾大壓力。早一、兩日開始儲定啲唔開心嘢，希望逼到自己喊。」此外，她在MV的「喊功」贏得63萬網上點擊。文：音樂組

林欣彤邀得好友陳慧敏參演MV。
  • 林欣彤邀得好友陳慧敏參演MV。