馮盈盈Book酒店孖男友度佳節

無綫節目《學是學非》成員梁嘉琪、麥美恩、馮盈盈、劉穎鏇與新成員鄺潔楹，昨日於將軍澳電視城為節目錄影，張寶兒則因病缺席。馮盈盈、劉穎鏇與鄺潔楹齊穿校服短裙示人，大晒青春活力。

「驚畀人話過夜」

馮盈盈被問與男友如何慶祝情人節？她笑說：「我哋去酒店……餐廳食飯，大時大節來來去去都係去酒店、餐廳，所以我要打定底先，萬一同男友喺酒店行出嚟又畀人話過夜、幽會，我哋只係Book咗間酒店餐廳食飯。」

原本昨晚要工作的馮盈盈表示，能與男友食飯已是最大驚喜。問到送甚麼禮物？她笑說：「上網訂咗禮物，但撞啱集運高峰期，要新年之後先送到，哈哈，唔緊要，禮唔到人到。」在旁的麥美恩即說：「你都好有誠意喎！」

馮盈盈（左起）、鄺潔楹與劉穎鏇扮學生妹，搶去梁嘉琪與麥美恩風頭。	麥美恩（右）與馮盈盈扮情人咀嘴兼派心心。	放大圖片

麥美恩情人打孖上

麥美恩亦稱情人節有約：「今個情人節有住家飯食，好開心有兩個情人陪我，爸爸媽媽尋晚落咗機，今年喺香港過年。」早前在台慶頒獎禮奪得「飛躍進步女藝員」的她表示，已向公司攞新年假，請父母食飯慶祝。

文：影視組