邱李茂琪遭私訊問價

名媛邱李茂琪（Margaret）熱愛創作，去年即興設計富中國色彩的服飾，她說：「嗰排好鍾意睇《那年花開月正圓》同《甄嬛傳》，覺得啲衫同頭飾好靚，又開始畫中國畫，幾鍾意中國文化，就諗住不如設計中國衫過年着。」她將製成品照片上載社交網後，收到不少朋友私訊問價，作品得到認同令她驚喜萬分，故決定割愛：「除咗其中一件唔賣留起外，其他都會賣。第日如果有適合嘅布料，可以有更多創作，依家潮流興只此一件。」