周汶錡湊B大細超大仔呷醋扭抱

周汶錡（Kathy）去年家中多了新成員，細仔Avner十個多月大，已開始學行，Cute到爆。至於大仔Jacques一向是萬人迷，賣萌表情多多，還唱國語版新年歌：「恭喜！恭喜！恭喜你！」超可愛。為迎接新年，Kathy特別買新衫給兩子，兩兄弟穿同一款唐裝，儼如餅印一樣。二人幫媽咪布置糖果盒時十分雀躍，不時偷食。Kathy表示平時甚少給兒子食糖：「盡量唔會，因為大仔食親糖就會咳，萬試萬靈。佢都知食得多要睇醫生，所以食咗就要吐番出嚟，佢都好聽話。」

性格截然不同

問到細仔出世後，大仔會否呷醋？Kathy說：「細仔準備學行，需要放多咗時間照顧，哥哥會唔開心，成日都呷醋，見到我抱住細佬，會推開佢，想我抱，平時又會做啲嘢引人注意。我覺得呢個係天性，因為將啲集中力轉移咗。（點樣教導佢？）唔會打，會同佢講細佬要錫，佢唔識食，唔識行，叫佢要照顧細佬，佢都好聽話。（追個女？）如果有個女都會開心，女仔始終斯文啲，睇吓今年湊成點，順其自然。（細佬性格同阿哥係咪唔同？）細佬性格剛強啲，可能做細霸道啲；大仔比較溫文，開心就笑，細佬就好大聲笑同成日大叫。」

哥哥細心餵弟弟食糖，周汶錡看在眼裏甜在心。	Jacques表情多多，勁可愛。	兩兄弟對「舞獅」公仔非常好奇。

老公鍾意派利是

雖然Kathy嫁了法籍老公Julien Lepeu，但依然跟足中國習俗過農曆新年。她表示由細到大都主理糖果盒，會買各式各樣的糖果，老公亦十分喜歡過農曆新年：「佢嚟咗香港13年，已入鄉隨俗，最鍾意派利是，覺得一年一次好開心，多謝平時幫助佢嘅人。」

文：名人組