許廷鏗煎燶牛扒 覓愛重溫「驚」喜
歌手許廷鏗（Alfred）昨日到電台宣傳新歌，正值年廿九又是情人節，他到場即分享自家製的賀年曲奇。送出37盒餅的他說：「設計係自己諗，有落手做少少，咁啱今年情人節同新年好接近，所以趁上台派歌嚟送禮畀大家。」
講到情人節，問Alfred可收到禮物？他坦言：「冇喎，都耐冇試過要Plan情人節點慶祝，都有9年未試過，當年又煎心形牛扒，煎燶晒添，之後都未試過，都希望有機會『重操故業』。」他曾表示農曆新年要搵腳去旅行，問到可有搵胡鴻鈞？他說：「佢應該有嘢做，但如果咁啱大家喺外地都會約食飯。（即係前後腳去？）咁如果約到，我哋都會自拍甫相上網嘅。」